Месец дена по нејзината смрт, погребана Меделин Олбрајт: “Нејзината работа е доказ дека САД се добрата страна на светот”

Во Националната катедрала во Вашингтон се одржа погребот на Медлин Олбрајт, првата жена државен секретар во САД. Државниот врв и политичката елита на САД ѝ оддадоа почит на Олбрајт.

Собрани, кои беа околу 1.400 на комеморацијата во Националната катедрала во Вашингтон, беа предводени  од американскиот претседател Џо Бајден и неговите претходници Барак Обама и Бил Клинтон , пренесува Гласот на Америка.

Клинтон во својот говор ја споменал и бистата на Олбрајт, која беше поставена во Приштина.

– Шетавме по улиците на Приштина со претставници на Косово и застанавме на булеварот каде што поставија прекрасна биста посветена на секретарката Олбрајт како дел од работата што таа ја работеше таму. Многу сум горд на животот што го живееше и благодарен сум што Хилари и јас бевме нејзини пријатели, изјави Клинтон.

Присутни биле и трите ќерки на Медлин Олбрајт, додека поранешната државна секретарка Кондолиза Рајс читала делови од Библијата.

Олбрајт почина на 23 март на 84-годишна возраст.