Меџити: Пријателството меѓу Македонија и Турција останува силен мост на соработка
Градоначалникот на Општина Чаир, Изет Меџити, по повод завршувањето на дипломатската мисија на амбасадорот на Република Турција во Македонија, Фатих Улусој, изрази благодарност за неговиот придонес и соработката во текот на неговиот мандат во земјава.
Меџити го истакна отворениот, пријателски и конструктивен пристап на амбасадорот Улусој, нагласувајќи го неговиот значаен придонес во унапредувањето на соработката и зајакнувањето на односите меѓу Македонија и Турција.
„Амбасадорот Фатих Улусој, со својот отворен, пријателски и конструктивен пристап, даде значаен придонес во унапредувањето на соработката и зајакнувањето на односите меѓу нашите две земји. Му благодариме за одличната соработка и коректноста во текот на целата негова дипломатска мисија и му посакуваме многу успех во идните ангажмани. Пријателството меѓу Македонија и Турција останува силен мост што заеднички ќе продолжиме да го градиме и зајакнуваме“, изјави Меџити.
Завршувањето на мандатот на амбасадорот Улусој означува крај на еден период на плодна соработка, додека пријателските односи и партнерството меѓу двете земји остануваат цврста основа за продолжување и продлабочување на соработката и во иднина.
ПОВРЗАНИ ВЕСТИ
Петрова и Муцунски во четврток ќе се…
Министрите за надворешни работи на Македонија и…
По 19 месеци затвор, ослободен турски комичар…
Турски суд во понеделникот го осуди комичарот…
Силен земјотрес го погоди југоистокот на Турција
Земјотрес со јачина од 5,4 степени е…
Ердоган до Зеленски: Турција е подготвена да…
Турскиот претседател Реџеп Таип Ердоган изјави дека…
Најмалку 11 лица ранети во пукање пред…
Тинејџер отворил оган пред средно училиште во…