Милан прими пет гола од Интер, а Пиоли одби да им се извини на навивачите

Милан имаше идеален почеток на сезоната со три победи од три натпревари, но изгледаше очајно во дербито против Интер од кој прими дури пет гола.

Иако многумина по таков дебакл ќе испратат извинување до навивачите, Пиоли нема намера да го направи тоа.

„Немам намера да им се извинувам на навивачите. Дали мислите дека намерно примивме пет гола и намерно го загубивме дербито? Жал ни е, но се извинува само тој што прави нешто намерно“, вели Пиоли.

„Што се однесува до поразите на претходните средби со Интер, мислете што сакате. Вистина е дека загубивме пет по ред, но ќе се обидеме да бидеме подобри во следните пресметки. Интер е силен, нѐ изненади“.

„Им помогнавме да нѐ растурат кога во еден момент се откажавме од борбата. Игравме добро до 1-3, а потоа се распаднавме. Секогаш мора да се игра до крај. Овој резултат може да ни помогне“.

Share on Facebook

Tweet

Follow us

Save