Милков: Во Македонија владее неказнивост и сите можат да дивеат кон Бугарите

Откако францускиот предлог беше прифатен од РМ, дојде до промена на тензиите меѓу тамошните политички партии и политичката елита. Тие очигледно не можат да ја следат агендата поставена по францускиот предлог и тоа се последиците со кои се соочува земјата. РМ јасно треба да се раздели со некои парадигми кои се одржливи во нејзината политика, а јасно создаваат силни тензии. Ова денес го изјавил техничкиот министер за надворешни работи на Бугарија, Николај Милков.

Тој нагласил дека се повеќе има „ескалирачки тренд на проблеми и напади врз бугарски институции“, како вчерашното крадење на монитор од Бугарскиот КИЦ во Скопје, што според него е „директен напад кон бугарската држава“.

-Во услови на оваа неказнивост, која дивее и владее таму, оваа работа е поттикната во пракса од атмосферата што е создадена и од неподготвеноста на македонската влада и македонските институции да покажат дека вака не може.

Очигледно е дека некако веројатно го искористуваат овој тип на став во општеството за да акумулираат некаков внатрешен поредок. За мене трендот е очигледен. Оваа неказнивост креира склоност кон нови провокации и нови злосторства, изјавил Милков, пренесуваат бугарските медиуми.

Тој ја коментирал и вчерашната одлука на Министерството за правда за забрана на користењето на името „Иван Михајлов“, како што е именуван бугарскиот клуб во Битола.

-Темата зошто и како името Иван Михаилов е неприфатливо за РМ е посебна тема. Впрочем, ова е фигура на ВМРО. Се бореше за слободата на Македонија. Во последно време се обидуваат да не критикуваат на историска тема. Такво беше и прашањето минатата недела со обвинението за депортацијата на Евреите. Зошто сега се поставува ова прашање? Во тоа време немаше РМ, ниту Македонија, во тоа време имаше Кралство на Србите, Хрватите и Словенците и поради некоја причина Македонците воопшто не се во името на кралството, што исто така е прашање што би било интересно за луѓето кои набљудуваат од страна, истакнал Милков.

Share on Facebook

Tweet

Follow us

Save