Минатата година најголемите европски банки имале добивка од над 100 милијарди евра

Минатата година најголемите европски банки првпат ја надминаа добивката од 100 милијарди евра, откако зголемувањето на каматните стапки овозможи рекордна заработка на повеќето, објави денеска Блумберг.

Нето приходот на 20-те најголеми банки во континентална Европа, кои објавија резултати, се зголеми на 103 милијарди евра од 78 милијарди евра една година порано.

Американските медиуми објавија дека три четвртини од групацијата оствариле најголема добивка во својата историја, а зголемувањето на профитабилноста им овозможило на банките да го зголемат износот на пари што им го враќаат на инвеститорите и да ги зајакнат своите акции.

Иако огромниот скок на профитот ќе биде тешко да се повтори бидејќи бранот високи стапки стивнува, многу банки се оптимисти дека зголемениот приход од провизии ќе им овозможи да продолжат да го зголемуваат профитот, забележува Блумберг, пренесува Танјуг.

Share on Facebook

Tweet

Follow us

Save