Минималната синдикална кошница 68.854 денари во јуни

Најмалку 68.654 денари се потребни за едно четирчлено семејство за да ги покрие основните месечни трошоци за јуни, покажуваат податоците на Сојузот на синдикатите на Македонија.

Ако семејството нема сопствен дом и изнајмува стан ов 60 метри квадратни, финансискиот товар се зголемува, а сумата достигнува 84.024 денари.

Во споредба со мај, минималната синдикална кошница е за 88 денари помалку.

Убедливо најголемите трошоци се за храната и пијалоците за кои се потребни 25.120 денари, и претставува 36.6% од вкупниот семеен буџет. Втора ставка е образованието, каде за едукативни потреби на семејството се издвојуваат 7.192 денари (10,5%).

За облека и обувки се издвојуваат 6.511 денари (9,5%), додека режиските трошоци како вода, струја, греење за сопствен стан изнесуваат 6.379 денари.

За рекреација и култура се наменети 5.592 денари, за транспорт 5.089 денари, за исхрана во ресторани и хотелски услуги 4.131 денар. Трошоците за комуникации се на дното на листата 3.677 денари, лична хигиена и одржување на домот 2.667 денари, здравје 1.196 денари и останати стоки 1.100 денари.

Share on Facebook

Tweet

Follow us

Save