Министерот за одбрана на Израел: Војната ќе има три фази, целта е елиминирање на Хамас

Израелскиот министер за одбрана Јоав Галант денеска изјави дека израелската војна против Хамас ќе биде поделена во три фази, а целта е елиминација на таа терористичка група преку уништување на нејзините воени и инфраструктурни капацитети, како и целосно отстранување на секоја одговорност што ја има Израел над Газа со создавање нов „безбедносен режим“ во Појасот.

Галант, на состанокот на Комитетот за надворешни работи и одбрана на Кнесетот, рече дека целта на првата фаза е да се убијат оперативците на Хамас и да се уништи инфраструктурата за да се уништи таа палестинска терористичка група, пренесуваат локалните медиуми.

„Ние сме во првата фаза, во која се одвива воена кампања со (воздушни напади), а подоцна и со (копнен) маневар чија цел е да се уништат оперативците и да се оштети инфраструктурата со цел да се порази и уништи Хамас“, рече Галант.

Тој рече дека после тоа борбите ќе бидат помалку интензивни, нагласувајќи дека последната фаза од конфликтот ќе вклучува „создавање нов безбедносен режим во Појасот Газа, отстранување на одговорноста на Израел за животот во Појасот и создавање на нова безбедносна реалност за граѓаните на Израел“, објави Ал Џезира.

Галант им рече на израелските војници собрани вчера во близина на границата со Газа дека наскоро ќе ја видат опколената енклава „од внатре“.

Share on Facebook

Tweet

Follow us

Save