Министрите за одбрана на Русија и на Турција телефонски разговарале за ситуацијата во Украина и Сирија

Министрите за одбрана на Русија и на Турција, Сергеј Шојгу и Хулуси Акар, телефонски разговарале за билатерални и регионални прашања од областа на одбраната и безбедноста, со фокус на разговорот врз ситуацијата во Украина и Сирија.

Според информацијата објавена на веб-страницата на турското Министерство за национална одбрана, по однос Украина истакната била важноста од итен прекин на огнот со цел да се спречат дополнителни човечки жртви, враќање на мирот и стабилноста во регионот и да подобрување на влошената хуманитарна ситуација.

По прашањето околу кризата со храна било разговарано за мерките за безбеден транспорт на жито, сончоглед и други земјоделски производи.

Министерот Акар го потврдил ставот на Турција дека земјата се обидува да обезбеди секаков вид хуманитарна помош и е подготвена да придонесе за мирот во регионот.

Во контекст на северна Сирија, турскиот министер за одбрана истакнал дека нема да биде дозволена дестабилизација на регионот, како и дека на таквите обиди ќе биде соодветно одговорено. Истовремено е истакнато дека присуството на терористи во регионот е неприфатливо. 

Share on Facebook

Tweet

Follow us

Save