Митрески: Македонскиот јазик е заштитен како симбол на нашиот идентитет и посебност
„Посебно сум задоволен што првиот Указ што го потпишав, како претседател на Собранието, е Указот за прогласување на Законот за употреба на македонскиот јазик, “ објави на ФБ новиот претседател на Собранието на Република Македонија, Јован Митрески.
Митрески посочува дека новото законско решение предвидува задолжително лекторирање на сите материјали, но и предвидува обврска за задолжително вработување на лектори по македонски јазик во сите јавни институции и органи на владата.
„Македонскиот јазик е заштитен како симбол на нашиот идентитет и посебност. Наша обврска е да го негуваме и унапредуваме, но и да го промовираме на домашен и меѓународен план, каде со мудрите политики и одлуки му обезбедивме рамноправно место со јазиците на сите земји членки на Европската Унија,“ стои во објавата на Митрески.
Тој посочува дека ќе биде зајакнат инспекцискиот надзор, а ќе се основа и инспекторат за примена на македонскиот стандарден јазик, но исто така се создава и правна основа за донесување на национална стратегија за македонскиот јазик за период од пет години.
„Преземаме и конкретни мерки за зголемување на интересот кај младите да го изучуваат македонскиот јазик. Создаваме можности за доделување стипендии за учениците од четврта година средно образование, додипломски студии, магистерски и докторски студии,“ порача Митрески.
ПОВРЗАНИ ВЕСТИ
Новиот состав на Собранието треба да се…
Мандатот на новиот собраниски состав што беше…
Ковачевски: СДСМ мора да биде силна во…
На вечерашниот митинг во Кочани, претседателот на…
Јакимовски: Децидно сум против бирање на претседател…
Претседателот на државата, неговата сила и функција…
Ана Брнабиќ избрана за претседател на Народното…
По тридневна расправа за избор на претседател…
СДСМ: Претседател се бира на непосредни избори,…
Остануваме на ставот претседателот на државата да…