Мицкоски во Вашингтон: Македонија го зајакнува стратешкото партнерство со САД

Премиерот Христијан Мицкоски ја продолжува посетата на Вашингтон, каде што остварува средби со американски претставници во период на сериозни геополитички потреси и промени во односите меѓу САД и Европа.

Мицкоски се сретна со американските конгресмени Клаудиа Тени и Кит Селф, а според информациите од македонска страна, една од централните теми било значењето на стратешкото партнерство меѓу Македонија и САД.

Посетата доаѓа во период кога Вашингтон повторно го зголемува дипломатското и безбедносното внимание кон Европа, додека војната во Украина, кризата на Блискиот Исток и односите со Русија и Кина ја менуваат глобалната безбедносна архитектура.

Паралелно, вицепремиерот и министер за транспорт Александар Николоски имал средба со американски претставници на која била истакната подготвеноста за дополнително продлабочување на билатералната соработка.

За Македонија американското партнерство има дополнително значење и поради членството во НАТО, инвестициите и долгогодишната американска поддршка на евроатлантската интеграција на земјата.

Share on Facebook

Tweet

Follow us

Save