Мицкоски: Историската посета на претседателката на Индија отвора нови можности за соработка

Премиерот Христијан Мицкоски денеска имал работен ручек со претседателката на Република Индија, Драупади Мурму, која престојува во својата прва официјална посета на Македонија.

Како што соопшти Мицкоски, средбата поминала во пријателска и конструктивна атмосфера, при што се разговарало за можностите за понатамошно унапредување на билатералните односи меѓу двете земји.

Во фокусот на разговорите биле продлабочувањето на економската соработка, зголемувањето на трговската размена, инвестициите, како и зајакнувањето на партнерството во повеќе области од заемен интерес.

Според Мицкоски, првата официјална посета на претседателката Мурму на Македонија претставува историски момент и значаен чекор кон отворање нови перспективи за соработка меѓу двете пријателски држави, како и потврда на заедничката определба за градење уште посилни односи во иднина.

Share on Facebook

Tweet

Follow us

Save