Мицкоски од САД: Ги исполнуваме обврските од 3,5 отсто за НАТО

Ние испорачуваме и го правиме тоа што го зборуваме. Кога кажуваме и ветуваме нешто, се обидуваме да го исполниме. Го правиме тоа што го зборуваме – и во животот и во политиката, вистинската политика. Не треба да импровизирате. Подобро е да молчите отколку да импровизирате и да кажете нешто што не сте во можност да го испорачате. Така што, сè она што го кажуваме и зборуваме – го правиме. Имаме план. Сега сме меѓу земјите во НАТО и сојузниците во НАТО кои ги исполнуваат своите обврски и цели, достигнувајќи 3,5 отсто до 2035 година за воени расходи и како надополнување на тоа, 1,5 проценти инвестиции во стратешката инфраструктура – што значи автопати, железници, водови за пренос на енергија, што се сметаше за вид тесно грло на нашиот континент. Затоа, мора гордо да кажам дека, да, посветени сме, имаме план и го следиме тој план, рече денеска премиерот Христијан Мицкоски во интервју за Атлантскиот совет.

Денешниот разговор е дел од иницијативата „Балканот напред“ на Центарот за Европа, која работи на одржување на Западен Балкан на надворешнополитичката агенда во Вашингтон и на олеснување на дијалогот и анализите за најгорливите прашања со кои се соочува регионот.

Премиерот Мицкоски со владина делегација е во посета на Соединетите Американски Држави (САД). Предвидено е да има средби во Сенатот, Конгресот и Стејт департментот, со претставници на финансиската институција DFC, со државници и со влијателни тинк-тенк организации. Мицкоски престојува во Вашингтон, но ќе учествува и на годинешното собрание на Обединетите нации во Њујорк. 

Share on Facebook

Tweet

Follow us

Save