Мицкоски со поддршка за нашите во туѓина: Се што сакате ќе прифатиме само да гласа дијаспората

Премиерот Мицкоски и денеска повтори дека ВМРО-ДПМНЕ е отворено за консензус за изборниот законик. Одговарајќи на новинарски прашања при теренската посета на Битола рече дека се она што СДСМ, ДУИ и Левица ќе ги предложат во делот на измените на изборниот законик, неговата партија е подготвена да го прифати, но да остане можноста да и се даде шанса на дијаспората на следните претседателски избори да гласа во поедноставна процедура.
Се помали се шансите во наредните недела дена партиите да најдат консензус за измените на изборниот законик кои се последната од 10те реформи дел од планот за раст. Рокот истекува на 15 јули а од реализацијата на оваа реформа зависат околу 4 милиони евра кои Македонија би ги добила од Европската Унија

Измените на изборниот законик се еден од малкуте закони кои можат да се блокираат со филибастеринг па СДСМ и Левица поднесоа 13.500 амандмани. Левица меѓу другото бара и една изборна единица, позиција која е прифатлива за власта но не и за останатите партии, особено во албанскиот блок.

Share on Facebook

Tweet

Follow us

Save