Мицкоски: Љубител сум на убави часовници и немам причина да се срамам

Премиерот Христијан Мицкоски вечерва во „Клик Плус“ на ТВ21 одговори на нападите за скапите часовници кои излегуваат од опозицијата.

Тој рече дека е љубител на убави часовници, и дека во следниот период транспарентно ќе објави колку данок платил на државата за тие часовници.

„Гледам дека сум тема овие денови на оној мал дел во политичкиот свет кој јас ги нарекувам талог на општеството. Не криев дека сум љубител на убави часовници и дека поседувам во својата колекција. Периодот кој следи транспарентно ќе објавам колку сум платил данок на државата во периодот кога сум работел европски компании и колку дополнително данок сум платил на државата. Немам причина и да се срамам со тоа што сум го работел затоа што сум го работел чесно и достоинствено и нема да дозволам да се извалка името на моето семејство. Никому ништо не должам, и секогаш правам се за интересот на Македонија и така ќе продолжам да работам“, изјави Мицкоски.

Share on Facebook

Tweet

Follow us

Save