„Монструми шетаат меѓу нас“: Девојка објави фотографии од месо прободено со шајки, оставено за животни во Ѓорче Петров

На социјалните мрежи често се објавуваат фотографии од корисниците за нехуманоста на поединци кон животните, а фотографиите на кои парче салама е прободено со голем број шајки и оставено за животни во Ѓорче Петров предизвика голем број осуди и негативни коментари.

Една девојка на Фејсбук објави две фотографии од парчето салама кое било фрлено низ улиците во скопската населба Ѓорче Петров.

„Монструми шетаат меѓу нас! При прошетка со кучињата, ова го најдовме во Ѓорче. Сликата ќе каже повеќе од кој било збор. Внимавајте на вашите миленици! И споделете за што повеќе луѓе да се информираат. Локација: Ѓорче, во близина на матичното, улица Виа Игнатија“,напиша таа во објавата во Фејсбук групата „Миленичиња“.

Во коментари, граѓаните тврдат дека ова не е првпат да најдат такво парче месо на истата улица.

Сопствениците на кучиња велат дека не се чувствуваат безбедно да ги шетаат милениците без маска, а се загрижени за уличните и бездомните кучиња за кои нема кој да се грижи.

„Монструм. Колку треба да имаш болен ум за ова да го направиш“, „Шетање без маска е ризик. Тешко на уличните“, „Страшно“, се дел од коментарите под објавата.

Share on Facebook

Tweet

Follow us

Save