Монструозно: Скопјанец прво ја удирал со тупаници, па ѝ ги скршил двете раце на сопствената мајка!

Основното јавно обвинителство од Скопје започна истрага против 31-годишен скопјанец осомничен за кривично дело тешка повреда. ОЈО тврди дека сега осомничениот на 21 јуни во вечерните часови, во семејниот дом на улицата „Дебарца“ во Скопје, при семејно насилство со умисла тешко телесно ја повредил својата 70-годишна мајка.

„Тој најпрвин започнал вербална расправија, а потоа физички ја нападнал, удирајќи ја со раце по лицето и телото. Продолжил да ја удира со столче, при што ѝ нанел тешки телесни повреди и ѝ ги скршил двете раце. Од страв да не биде повторно нападната, оштетената го напуштила домот и го пријавила настанот на 24 јуни, кога осомничениот повторно станал агресивен кон неа. Надлежниот јавен обвинител оцени дека постојат околности кои очигледно укажуваат на можност осомничениот да се даде во бегство или да го повтори кривичното дело, па до судијата на претходна постапка од Основниот кривичен суд Скопје достави предлог за определување мерка притвор“ велат од ОЈО.​​

Share on Facebook

Tweet

Follow us

Save