Москва: НАТО и ЕУ активно се подготвуваат за војна со Русија

НАТО и Европската Унија се подготвуваат за воен конфликт со Русија, изјави за новинарите заменик-министерот за надворешни работи на Руската Федерација Александар Грушко. „Водевме многу важен и суштински разговор за исклучително сериозно прашање“, рече тој по седницата на парламентарната група на „Единствена Русија“ во Државната Дума.

„Во суштина, разговаравме за војната и мирот, за моменталната безбедносна состојба и за воените подготовки што ги спроведуваат НАТО и Европската Унија. Тие се подготвуваат за воен конфликт со Руската Федерација“, нагласи Грушко. Според него, состојбата на односите меѓу дипломатските мисии на Русија и Франција останала иста по телефонскиот разговор меѓу претседателот Владимир Путин и Емануел Макрон.

Кремљ објави дека двајцата лидери го нагласиле правото на Иран на мирна нуклеарна програма во согласност со одредбите од Договорот за неширење на нуклеарно оружје. Двајцата претседатели инсистираат на политичко и дипломатско решавање на сите спорни прашања и се согласиле да продолжат со контактите за координирање на ставовите.

Share on Facebook

Tweet

Follow us

Save