Москва не се согласува со мировниот план на Зеленски поддржан од Турција

Москва не се согласува со ставот на Анкара, која го поддржа мировниот план на Украина, изјави портпаролката на Министерството за надворешни работи на Русија, Марија Захарова.

„Поддршката на Турција за иницијативата на режимот во Киев тешко дека ќе придонесе за изнаоѓање оптимални начини за постигнување мир во Украина. Веќе неколку пати кажавме дека овој план е неприфатлив за нашата земја“, рече Захарова.

Зеленски во ноември рече дека Киев има свој „план од 10 точки за постигнување мир“. Меѓу нив се обезбедување нуклеарна, прехранбена и енергетска безбедност, размена на затвореници по формулата „сите за сите“, враќање на територијалниот интегритет на Украина, „повлекување на руските сили“, прекин на непријателствата.

Share on Facebook

Tweet

Follow us

Save