Мојсоска: Мицкоски и СДСМ си го делат бизнисот со струја

Пратеничката од Левица, Јована Мојсоска, ја разобличи шемата на партиско профитерство во енергетиката, посочувајќи дека додека граѓаните плаќаат најскапа струја, фирмите блиски до власта и опозицијата се редат за милионски бизниси:

„Фирмите што ќе инвестираат во струја се директно поврзани и со ДПМНЕ и СДСМ – двете партии си го делат милијардскиот колач, а народот плаќа најскапа струја во регионот.

Поранешната фирма на премиерот „Фонко Хидро” ќе гради фотоволтаична централа, а таа фирма не беше ни наведена во неговата биографија. Кога се прашува со кого правел милионски бизниси – премиерот молчи.

Истите луѓе и фирми се врзани со „Енерготек”, со концесии од 23 години и со лица осомничени во „Делчевски ниви” – случај што падна со промена на изјава на човек близок до СДС.Додека нивните фирми ќе прават милиони, ЕСМ ја завршува годината со 108 милиони евра загуба – првпат без објавена завршна сметка.

Ќе го разрешите ли директорот за оваа катастрофа или ќе продолжите да ја уништувате државната компанија за да се богатат партиските бизнис партнери?“ – рече Мојсоска.

Share on Facebook

Tweet

Follow us

Save