Мургашанска од СДСМ: Димитриевски ме тужи затоа што јавно го обелоденив неговиот криминал

Откако му ги откривме сите скандали на Максим Димитриевски, откако јавно проговоривме за сите сомнежите за коруптивни шеми со парцели и станови, за криминал и лично богатење, градоначалникот на Куманово, сака да не замолчи, вели Атина Мургашанска, советничка во Советот на Општина Куманово.

– Наместо да даде одговори и отчет пред граѓаните, наместо да одговара Максим Димитриевски поднел тужба, дека бил навреден и наклеветен.

Но, замислете, тужбата е за мои говори во Советот на општина Куманово.

Димитриевски се плаши од вистината и затоа сака да ја заташка, да ги прикрие злоупотребите и да го замолчи секој што му се спротивставува и јавно му ги обелоденува.

А што најмногу го здоболело Димитриевски, кој дел од вистината? Цитирам:

-„Како се купува стан од 90 метри квадарни за 2.000 евра, како се прави размена со кумот“

-„Срамота е човек кој е фатен со полна кола пари со поткуп“

-„Не може да ја напаѓа претходната Влада, таа влада му ја раздолжи општиниата, токму таа влада на која и се заблагодаруваше“

Еве нека види народот, ова се дел од цитатите, има секако и други, кои Димитриевски ги навел во тужбата.

Јас како одговорна советничка сум гласот на граѓаните, јавно зборувам за скандалите и сомнежите за криминал на Максим Димитриевски и така и ќе продолжам. Јасно му порачувам дека нема ниту да ме уплаши ниту да ме замолчи.

Благодарна сум за поддршката од СДСМ. Нашиот став е став на граѓаните, нешата борба е борба за вистината, за правдата и транспарентноста и одговорноста.

Јавно порачуваме – нема повлекување! Ќе продолжиме да зборуваме гласно и јас и СДСМ.

Ќе продолжиме да ја разобличуваме секоја негова злоупотреба и ќе бараме институционална реакција од надлежните.

Мора да се истражи најголемиот коруптивен скандал во општина Куманово со земјиште, во организација на Максим Димитриевски и неговиот кум Драган Митевски.

Како Димитриевски и неговиот кум заработиле 350.000 евра? Институциите мора да дадат одговор.

Како тоа Димитриевски добил стан од 97 метри квадратни во центарот на Куманово за само 2.500 евра?

Куманово заслужува чесна и одговорна власт.

Одговорност ќе има, кога тогаш. Правдата ќе стигне и во Куманово. – вели советничката од Советот на Општина Куманово.

Share on Facebook

Tweet

Follow us

Save