Муцунски објави што се разговарало на средбата со Гренел во Њујорк

Рацин.мк доби одговор на прашањата што ги доставивме до Министерството за надворешни работи за тоа зошто била организирана средбата со специјалниот пратеник на претседателот Трамп, Ричард Гренел, и извршниот директор на ЕКСИМ банката на САД, Џон Џованович во Њујорк.

Во дописот до нашата редакција е доставенлинк со објавата на министерот Тимчо Муцунски, објавена во 15.06 минути, односно, 1 час и 15-тина минути откако во МНР пристигнал нашиот мејл со прашања.

Еве информации за таа средба, според објавата на Муцунски на фејсбук:

На покана на специјалниот пратеник на претседателот Трамп, Ричард Гренел, и извршниот директор на ЕКСИМ банката на САД, Џон Џованович, присуствував на тркалезна маса во Њујорк.

На настанот учествуваа и претседателите на Косово и Албанија, како и министрите за надворешни работи на Албанија, Босна и Херцеговина, Хрватска, Србија и Црна Гора.

Разговаравме за регионални проекти и приоритети, со посебен акцент на економската и инвестициската соработка со САД – како двигател за развој, стабилност и нови можности за целиот регион.

Share on Facebook

Tweet

Follow us

Save