Навивачите бесни по најавата за цените за време на Светското првенство: 150 долари за 29 километри со воз

Здружението на фудбалски навивачи јавно изрази негодување откако се дозна дека 30-минутното патување со воз до натпревар од Светското првенство на стадионот „Метлајф“ ќе чини 150 долари, или околу 127 евра.

Цената на билетот од станицата Пен на Менхетен до стадионот во Њу Џерси, кој е долг околу 29 километри, ќе биде зголемена за 11 пати од вообичаената цена од 12,90 долари за повратен билет.

Нема намалени цени, па затоа децата и возрасните ќе мора да платат и цели 150 долари. Билетите за воз и автобус не се рефундираат.

Стадионот „МетЛајф“, кој ќе се вика „Стадион Њујорк/Њу Џерси“ за време на Светското првенство, во согласност со корпоративната политика за именување на ФИФА, ќе биде домаќин на осум натпревари на Светското првенство во 2026 година, вклучувајќи го натпреварот од групата на Англија и финалето на 19 јули.

Томас Конканон, кој го предводи здружението на навивачи на Англија, изјави за BBC Sport дека е „неверојатно разочарувачки“ што повторно ќе биде удрен во џебот, покрај високите цени на билетите за натпреварите.

„Цената е очигледно астрономска во однос на она што би очекувале да платите за да одите на натпревар, на турнир. Ова е целосно надвор од нормата од претходните турнири. Треба да ги пречекувате навивачите од целиот свет. И мислам дека во оваа фаза навивачите не би можеле да се чувствуваат добредојдени. Не мислам дека некој очекуваше превозот да биде бесплатен овој пат. Но, не очекувавме ниту да бидеме ограбени“, вели претставникот на навивачите, Конканон.

Share on Facebook

Tweet

Follow us

Save