Наставничка од Кавадарци фотографирала разговори на колешка на интернет и ја кодошела кај директорката

Наставничка од Кавадарци и директорката на училиштето на суд ќе докажуваат дека се невини бидејќи полицијата поднесе кривични пријави за двете.

Полицијата ги обвинува наставничката со иницијали В.Т.(47) и нејзината директорка М.Т.(52) за сторени кривични дела „оштетување и неовластено навлегување во компјутерски систем” и „злоупотреба на лични податоци”.

„В.Т., вработена како наставничка во училиште во Кавадарци, прво на 04 септември во една од училниците, на службен лаптоп го затекнала отворен приватниот профил на социјална мрежа на една колешка и ги фотографирала приватни разговори, со цел да ги пренесе на директорката М.Т.. Потоа успеала да ја пронајде и лозинката од профилот на оштетената, по што на 05 и на 07 септември повторно неовластено фотографирала лични пораки на колешката и ги пренела на директорката. Во меѓувреме директорката ги препраќала пораките и на други колеги“, информира МВР.

На 19 септември на наставнички совет што се одржал во училиштето, откако оштетената наставничка укажала дека непознато лице фотографирало нејзини приватни разговори кои се пратени до други лица, директорката М.Т. ѝ се заканила дека доколку пријави, сите пораки што ги поседува ќе ги испрати до други колеги.

Share on Facebook

Tweet

Follow us

Save