НАТО го осуди рускиот план за одржување избори во окупираните региони

НАТО изрази осуда за Русија поради најавата за одржување избори во окупираните региони на Украина.

„Овие избори се фарса, нелегитимни и уште едно кршење на меѓународното право“, напиша портпаролот на НАТО Дилан Вајт на социјалната мрежа Х.

Тој повтори дека НАТО ја поддржува Украина и ќе продолжи да го прави тоа.

Претходно, САД и Германија, исто така, ги осудија планираните локални избори во источна Украина во региони под контрола на руските сили.

Руските власти најавија одржување на локални избори следниот викенд во регионите Доњецк, Луганск, Крим и делови од Херсон и Запорожје.

Западните земји ја обвинуваат Русија дека се обидува да ја легитимизира анексијата на украинската територија со одржување избори на окупираните територии.

Share on Facebook

Tweet

Follow us

Save