Објавено на:

НАТО: Русија ги разбира последиците од преземањето на таков чекор

t

Заменик – генералниот секретар на НАТО, Мирчеа Џоана изјави денеска дека нуклеарната закана на рускиот претседател Владимир Путин претставува „психолошко заплашување“.

„Тоа е психолошко заплашување. Не станува збор за вистински намери“, рече Џоана во интервју за „Ел Паис“, коментирајќи ја изјавата на Путин дека постои закана од „нуклеарен конфликт“ доколку Западот распореди свои војници во Украина.

Тој додаде дека НАТО во моментов не гледа никаква непосредна закана од тоа дека Русија ќе употреби нуклеарно оружје.

„Меѓутоа, таквите изјави сами по себе се многу опасни бидејќи ја нарушуваат довербата. Русија ги разбира последиците од преземањето на таков чекор“, изјави заменик – генералниот секретар на НАТО.

Тој рече дека Алијансата ќе продолжи да ја поддржува Украина, но и да избегнува ескалација со Русија.

Коментирајќи ги предлозите за испраќање западни војници на територијата на Украина, Џоана истакна дека НАТО го почитува правото на сојузниците да презентираат нови идеи, но посочи дека Алијансата „нема намера, ниту планира“ да распореди војници во Украина.

ПОВРЗАНИ ВЕСТИ

Фиат Панда си оди од Србија?

Александар Вучиќ изјави дека постои можност Стелантис…

Шестмина лишени од слобода при акциска контрола…

Лишени од слобода се шест лица, евидентирани…

ДЗС повторно ги активираше тимовите во потрагата…

Дирекцијата за заштита и спасување (ДЗС) повторно…

Арагчи: Ормуската теснина нема да биде отворена…

Иранскиот министер за надворешни работи Абас Арагчи…

Американците купуваат вода и генератори, Британците создаваат…

Во САД расте побарувачката за флаширана вода,…