Научниците на добар пат да откријат лек за еден од најсмртоносните видови на рак

Британските истражувачи развија лек кој може драматично да го подобри преживувањето, па дури и да го излечи ракот на панкреасот, кој е еден од најсмртоносните видови на рак. Стапките на преживување за рак на панкреас се подобрија многу малку во последните 50 години и се проследени со најлоша прогноза.

При тестирањето на лекот на глувци, научниците дошле до заклучок дека може да им го продолжи животот за 40 проценти.

Истражувачите од Институтот за истражување на рак во Лондон велат дека ова е потенцијално најголемиот напредок во лекувањето на болеста, а доколку експериментите врз луѓе бидат успешни, би можел да биде во широка употреба за само пет години, пишува „Дејли мејл“.

Двофазен третман

Еден од третманите е имунотерапијата, каде што лекот го активира имунолошкиот систем за борба против ракот. Лекот е инхибитор на контролната точка, што значи дека ги блокира протеините кои го спречуваат имунолошкиот систем да ги нападне клетките на ракот. Имаше неверојатни резултати против некои видови на рак. Но, туморите на панкреасот имаат дебел надворешен слој кој го запира лекот на неговиот пат.

Друг третман, познат како фокусиран ултразвук со висок интензитет (HIFU), вклучува уништување на тумори со импулси на звучни бранови. Ова создава ситни меурчиња во клетките, кои отскокнуваат наоколу со таква сила што ги пробиваат дупките во заштитната бариера – дозволувајќи им на имунотерапевтскиот лек да почне да дејствува.

Тој очекува дека лекувањето ќе делува во доцната фаза на болеста.

Ова е од клучно значење бидејќи повеќето случаи на рак на панкреасот не се дијагностицираат додека не се прошири низ телото. Испитувањата би можеле да започнат во рок од две години, а доколку биде успешен, третманот би можел широко да се користи само три години подоцна.

„Потребни се дополнителни истражувања, но потенцијалот на оваа комбинација е возбудлив и ја нагласува важноста од тестирање на нови, иновативни пристапи. Очајно ни требаат повеќе опции за третман ако сакаме да го трансформираме преживувањето на идните пациенти и нивните најблиски“, рече д-р Крис Мекдоналд, раководител на истражувањето во Велика Британија за рак на панкреасот.

Share on Facebook

Tweet

Follow us

Save