Најде замена за Западот: Русија ќе соработува со индиските инвеститори

Русија е заинтересирана за инвестиции на индиски партнери во рускиот нафтен сектор, како и за развој на продажната мрежа со учество на руски компании во Индија, изјави рускиот вицепремиер Александар Новак, додавајќи дека Русија гледа добри можности за зголемување на извозот на нафта и нафтени продукти во Индија.

„Извозот на руска нафта и нафтени деривати во Индија изнесува речиси милијарда долари, а има добри можности за зголемување на извозот“, изјави премиерот на Русија.

Денеска е остварен телефонски разговор меѓу Александар Новак и министерот за нафта и гас, развој и градежништво на Индија, Хардип Синг Пури. Посебно внимание посветија на соработката во областа на енергетиката и образованието.

Да потсетиме, претседателот на Соединетите Американски Држави Џозеф Бајден на 8 март го забрани увозот на руска енергија. Александар Новак тогаш изјави дека Русија е подготвена за забраната на Западот и знае каде да ги пренасочи испораките.

Share on Facebook

Tweet

Follow us

Save