Најнова вест: Хрватската царина фати Македонец во обид да прошверцува 14.800 парчиња цигари!

На 13.09.2022 година, на граничниот премин Илок, Хрватска, овластени царински службеници спречија обид за шверц на 14.800 парчиња различни видови цигари, пренесува хрватската Царинска служба,

При преглед на товарниот простор на товарното моторно возило управувано од државјанин на Република Македонија, покрај пријавената стока, пронајдена е и скриена стока – 14.800 цигари од различни марки (MARLBORO, WINSTON, LUCKY STRIKE, РОДЕО, PALL MALL, BOSS И CHESTERFIELD).

Против физичко лице е поднесена кривична пријава до надлежен државен орган, за сторено кривично дело од член 257 ст.1 од Кривичниот законик – Избегнување царинска контрола. Извршена е последователна пресметка на долгот за акциза на одземената количина цигари во износ од 14.273,80 куни.

Share on Facebook

Tweet

Follow us

Save