На влезот на Кочани поставен крст во чест на 63-те жртви од „Пулс“

Во непосредна близина на дискотеката „Пулс“, на влезот во Кочани, е поставен голем крст во чест и спомен на загинатите во трагедијата што го погоди градот.

Крстот е висок 17 метри и широк 12 метри, а го освети митрополитот Брегалнички г. Иларион, заедно со свештенослужителите од храмот „Св. вмч. Георгиј“ во Кочани.

Тој посочил дека спомен-обележјето ќе остане и како потсетник на болката што ја остави трагедијата во Кочани.

Во пожарот во „Пулс“ животот го загубија 63 лица, а повеќе од 200 беа повредени. Трагедијата остави длабока трага во Кочани и во целата држава, а семејствата на загинатите и натаму бараат целосно утврдување на одговорноста за случувањата што доведоа до пожарот.

Судската постапка за трагедијата е во тек.

Share on Facebook

Tweet

Follow us

Save