На протестите во Тбилиси приведени 224 лица

Вкупно 224 лица се приведени на протестите одржани во Тбилиси изминатите денови поради „ситно хулиганство, отпор и непослушност кон полицијата“, соопшти Министерството за внатрешни работи на Грузија.

Во соопштението се наведува дека се приведени три лица осомничени дека нападнале полицајци при вршење на службената должност и со палење предизвикале материјална штета и против нив ќе биде поднесена кривична пријава.

– Како резултат на незаконските и насилни дејствија на учесниците на синоќешниот собир повредени се 21 вработен во МВР. Некои жртви се здобиле со тешки телесни повреди на главата, лицето и телото. Во последните дејствија нарушено им е здравјето на вкупно 113 службеници на МВР, од кои четворица се уште се во медицински установи, се наведува во соопштението.

Грузиското МВР истакнува дека и покрај постојаните предупредувања, за време на протестот некои учесници ја оштетиле зградата на Парламентот и инфраструктурата лоцирани на авенијата Руставели.

Share on Facebook

Tweet

Follow us

Save