Нема блокада на границите утре: Превозниците од Македонија и регионот го одложија протестот

Превозниците од Македонија, Србија, Босна и Херцеговина и Црна Гора нема да ја реализираат најавената блокада на граничните премини кон Европската Унија на 14 септември.

Ова го потврди и „Макам-транс“, од каде соопштија дека одлуката била донесена по средба со претставници на дел од земјите-членки на Шенген, преку Мисијата на Европската Унија во Белград.

Причината за незадоволството на превозниците е правилото според кое професионалните возачи можат да престојуваат во Шенген-зоната најмногу 90 дена во период од 180 дена.

Превозниците предупредуваат дека професионалните возачи не се туристи и дека ваквото ограничување практично им го отежнува нормалното извршување на меѓународниот транспорт.

Засега протестот е ставен во мирување откако превозниците добиле уверување дека ќе се забрза барањето решение за нивниот статус до усвојувањето на новата визна стратегија, што се очекува во втората половина на 2027 година.
Темата е исклучително важна и за Македонија.

Голем дел од македонскиот извоз и увоз кон европскиот пазар зависи од патниот транспорт, па повеќедневна блокада би можела да создаде проблеми за компаниите, фабриките и синџирите на снабдување.

Share on Facebook

Tweet

Follow us

Save