Нема да има милост – Ковачевски: Ќе се казнуваат трговците што нема да го почитуваат ограничувањето на маржите
![t](https://infomax.mk/wp-content/uploads/2022/10/dimitar-kovacevski.jpg)
„За најранливите категории на граѓани во моментов работиме на пакет мерки кои ќе се финансираат од буџетот за директни финансиски средства, да може да имаат дополнителен финансиски приход со кој ќе можат полесно да се справат со кризата“ рече премиерот Димитар Ковачевски во „Клик плус“ на ТВ21.
Тој додаде дека целото општество треба да покаже солидарност и дека државата не треба да финансира изобилие или профит, туку да финансира солидарност кон најранливите.
„Се обидуваме да ја одржиме куповната моќ на граѓаните преку пакетите на мерки, но сите мора да разбереме дека сме во најтешката криза по Втората светска војна“ рече Ковачевски.
Премиерот додаде дека инспекторите ќе продолжат да ги контролираат трговците кои не ги почитуваат замрзнатите маржи на основните производи и дека за секое прекршување ќе следуваат казни и корекции.
Владата на последнатаа 87-ма седница донесе Одлука за дополнување на одлуката за посебни услови за трговијата на одделни стоки. Со оваа одлука, на предлог на Министерството за економија, се замрзнува маржата и за млечните производи: урда, крајво бело сирење и мешано бело сирење, кашкавал, кисело млеко и павлака и јогурт, за коишто се ограничува највисока трговска маржа до десет проценти во трговијата на големо и трговијата на мало. При редовна контрола на Државен пазарен инспекторат во трговијата на мало и трговијата на големо, според Информацијата од Министерството за економија, укажано е на потребата од интервенција кај наведните стоки, поради растот на нивните цени.
ПОВРЗАНИ ВЕСТИ
Курсна листа: Еве колку чинат валутите денес
Според курсната листа на НБРМ средниот курс…
(Видео) Битиќи: Во најава е „Франкенштајн економија”, …
„Наместо фискална консолидација, имаме тотална фискална деструкција.…
Лукаревска: Не фали ниту денар во буџетот,…
Обвинувањата на ВМРО-ДПМНЕ дека од буџетот фалат…
ЕУ остварила суфицит од 9,7 милијарди евра…
Европскиот извоз во трети земји во мај…
Србија планира изградба и модернизација на 2.000…
Јелена Танасковиќ, в.д генерален директор на железничката…