Нема конкретен термин за самитот Путин – Трамп, соопшти Кремљ
Портпаролот на Кремљ, Дмитриј Песков денеска изјави дека ниту рускиот ниту американскиот претседател не објавиле конкретен термин за одржување на средба.
– Ниту Владимир Путин, ниту Доналд Трамп, не објавија конкретен термин. И американската и руската страна изјавија дека ова може да потрае – посочи Песков, додавајќи оти подготовките за претседателската средба се сериозни.
Претходно, американски медиуми објавија дека е одложена средбата помеѓу шефовите на дипломатијата на САД и Русија, Марко Рубио и Сергеј Лавров. Со одложувањето на нивната средба се пролонгира и очекуваната средба на Трамп со Путин.
Рускиот заменик-министер Сергеј Рјабков наведе дека средбата Лавров – Рубио бара претходни подготовки.
– Не можеме да одложиме нешто што не е договорено. Не го потврдивме она што го пишуваа некои западни извори вчера. Немавме јасно дефинирано ни време ни локација за таква средба. Постои идеја за одржување на таква средба – истакна Рјабков.
ПОВРЗАНИ ВЕСТИ
ВМРО-ДПМНЕ: СДС никако да престане свесно да…
СДС никако да престане со умисла да…
Одложено денешното рочиште за „Лотарија“, судењето продолжува…
Судското рочиште за предметот „Државна лотарија“, кое…
Муцунски: Работиме на дијалог со Бугарија, за…
Дијалогот што во моментов се води во…
РЕМ покрена нова постапка против телевизијата Информер
Советот на српското Регулаторно тело за електронски…
Народната банка на Србија: Динарот е стабилен,…
Курсот на српскиот динар е стабилен, а…