Нема мир на Балканот: Србија го потврди обвинението за хрватските пилоти во “Бура”

Казнениот совет на Вишиот суд во Белград денеска го потврди обвинението против група хрватски воени лица поради воено злосторство врз цивилно население на Петровачкиот пат во местото Сводна 1995 година, соопшти денеска Вишиот суд.

„Испитувајќи го обвинението на Обвинителството за воени злосторства, казнениот совет е со став дека доказите и податоците собрани во денешниот текот на постапката овозможуваат доволен темел за заклучок за постоење оправдано сомневање дека осомничените преземале дејства од описот на казненото дело кое им се става на товар“, наведно е во соопштението.

Инаку, обвинението на 31 март е поднесено против припадникот на хрватското воено воздухопловство, поради, како што наведува, оправдано сомнение дека извршиле воено злосторство против цивилно население.

Вишиот суд во денешното соопштение објасни и дека се исполнети неопходните материјални услови за обвинение во овој случај, а одлуката е донесена на седницата на советот одржан на 4. јуни.

Против решенијата за потврдување на обвинението обвинетите и нивните бранители можат да поднесат жалба во рок од три дена од денот на приемот на решението.

Бројни хрватски политичари оценија претходно дека Србија нема основа за покренување на обвинение против хрватските пилоти за злосторства над цивилите во операцијата Бура зошто тие настани веќе ги истражија различни организации, меѓу кои и Хашкиот трибунал за воени злосторства.

Share on Facebook

Tweet

Follow us

Save