Несудениот бугарски премиер се жали: Денеска победи злото

Различни беа реакциите за денешните бурни настани во Собранието на Бугарија. Имаше и суви протоколарни изјави, и метафори и шеги.

Проф. Николај Габровски, предложен од ГЕРБ-СДС за премиер, коментира дека причините за одбивањето на неговиот предлог-кабинет се силни партиски интереси и партиски страсти. „Доброто и злото влегоа во рингот. Луѓето се обложуваат на зло. Злото победи и луѓето победија. Токму тоа се случи денеска“, рече Габровски. Според него, предложените министри имале шанса да продолжат „на друг начин во бугарската политика“. „Тоа беше граѓанска иницијатива, граѓанска храброст што ја покажавме сите. Сите ние како професионалци ги ставивме нашите имиња во кабинет што даваше надеж дека можеби можеме да одиме по нов пат“, рече Габровски. И додаде дека причините поради кои владиниот проект не бил поддржан се силните партиски интереси и страсти.

„Доколку се развие најверојатното сценарио, што е песимистичко, ќе поминеме една година од избори до избори“, предвиде Габровски. И уште еднаш повтори дека со третиот мандат нема да учествува на предлог-кабинет. „Во однос на третиот мандат – во првиот дадовме се од себе и тоа мораше да се реализира. Било какви комбинации и задни зделки се нешто со кое не сакаме да се поврзуваат нашите имиња“, категоричен беше Габровски.

Share on Facebook

Tweet

Follow us

Save