INFOMAX.MK

Израелскиот премиер, претседател и министер за надворешни работи му се заблагодарија на американскиот претседател Доналд Трамп за американскиот напад врз нуклеарните објекти на Иран.

Израелскиот премиер Бенјамин Нетанјаху денес изјави дека го одржал ветувањето дека нуклеарните објекти на Иран ќе бидат уништени.

„На почетокот на операцијата, ви ветив дека нуклеарните објекти на Иран ќе бидат уништени, на еден или друг начин. Тоа ветување е исполнето“, рече Нетанјаху во јавно обраќање, пренесе „Тајмс оф Израел“.

Според него, американската воена операција била спроведена во целосна координација со Израелските одбранбени сили (ИДФ).

„Против нуклеарните објекти на Иран, САД ја завршија работата што Иранските одбранбени сили (ИДФ) ја започнаа на 13 јуни“, рече Нетанјаху. Израелскиот премиер рече дека американскиот претседател Доналд Трамп му се јавил веднаш по американската воена операција за да му честита. Тој рече дека разговорот бил многу „топол и трогателен“.

„Трамп ми честиташе мене, на нашата војска и на нашиот народ. Тој го води слободниот свет со сила. Американскиот претседател е голем пријател на Израел и му нема рамен“, рече Нетанјаху кој нагласи дека ниту една држава во светот не можела да го направи тоа што го направи Америка.