Нетанјаху објави крај на годишната воена помош од САД од 3,8 милијарди долари

Израел сака да ја намали воената помош од САД и планира веднаш да го започне процесот и да го заврши во следните 10 години, изјави израелскиот премиер Бенјамин Нетанјаху.

Во интервју за Си-Би-Ес, на прашањето дали размислува за намалување на американската помош, израелскиот премиер одговори потврдно.

„Апсолутно. И тоа му го кажав на американскиот претседател Доналд Трамп“, рече Нетанјаху. Тој прецизираше дека неговата влада сака да ја намали американската помош, финансиската компонента на воената соработка на двете земји, на нула.

„Добиваме 3,8 милијарди долари годишно. И мислам дека е време да се откажеме од преостанатата воена поддршка“, рече израелскиот премиер, истакнувајќи дека би сакал овој процес да започне веднаш и да биде завршен во рок од десет години. Сегашниот договор, кој истекува во 2028 година, предвидува годишно доделување на 3,8 милијарди долари на Израел од страна на Соединетите Американски Држави.

Share on Facebook

Tweet

Follow us

Save