Не било бурето без дно: САД ќе го достигнат лимитот на задолжување – Се бараат итни мерки!

Американскиот министер за финансии Џенет Јелен го извести Конгресот дека, како што се проценува, САД ќе го достигнат националниот лимит за задолжување во четврток и дека потоа ќе се прибегне кон „вонредни мерки“.

Во писмото упатено до лидерите на Сенатот и Претставничкиот дом, Џенет Јелен наведе дека овие мерки ќе обезбедат дополнително време додека Конгресот не усвои закон кој или ќе го зголеми лимитот за задолжување, кој сега е 31,4 трилиони долари, или пак ќе го суспендира за некое време.

„Клучно е Конгресот навремено да реагира“, изјави Јелен.

Таа предупреди дека неисполнувањето на обврските од страна на владата ќе предизвика непоправлива штета на американската економија, приходите на сите Американци и глобалната финансиска стабилност.

„Иако Министерството за финансии не може да процени колку вонредните мерки ќе ја продолжат способноста на владата да ги отплати своите обврски, тешко дека мерките ќе бидат исцрпени пред почетокот на јуни“, додаде Џенет Јелен.

Share on Facebook

Tweet

Follow us

Save