Објавено на:

НЕ ВИДЕЛЕ СНЕГ 30 ГОДИНИ, СЕГА СЕ ЗАТРУПАНИ! Во снежното невреме во Пакистан загинаа најмалку 35 луѓе

t

Најмалку 35 луѓе загинаа, а десетици се повредени откако замрзнат дожд и неочекуван снег ги погодија оддалечените области на Пакистан во текот на викендот. Меѓу загинатите има и 22 деца, од кои многумина беа згмечени од лизгање на земјиштето што ги затрупа нивните домови, соопштија властите за управување со катастрофи.

Екстремните временски услови ги погодија северните и западните региони на Пакистан, кои блокираа патишта и стотици куќи.
Снегот во март во Пакистан е невообичаена појава, со оглед на инаку влажната клима. Муштак Али Шах, поранешен директор на метеоролошкиот оддел во земјата, ги припиша необичните услови на климатските промени.

Тој додаде дека град кој трае „неколку моменти“ нема да биде толку изненадувачки, но необично е да трае повеќе од 30 минути. Хаџит Шах, жител на областа Кирк во северозападната провинција Хајбер Пахтунхва, рече дека само еднаш доживеал снег во неговото соседство.

– Како што се сеќавам, паѓаше слаб снег неколку минути пред околу 25 или 30 години – изјави тој за Би-би-си.

Поројните дождови целосно уништија најмалку 150 куќи и делумно оштетија 500 други, главно во Сајбер Пахтунхва и југозападната провинција Балучистан, соопштија властите. Во некои области струјата е целосно исклучена веќе неколку дена. Покраинската влада на Сајбер Пахтунхва обезбеди помош за погодените области и најави финансиска помош за повредените и семејствата на загинатите.

ПОВРЗАНИ ВЕСТИ

Осум месеци затвор за Игор Дашковски кој…

Основниот кривичен суд Скопје го осуди 44-годишниот…

Росица пријавувала насилство, тие не постапувале: Обвинение…

Основното јавно обвинителство за гонење на организиран…

Трамп на 19 ноември планира одделна средба…

Американскиот претседател Доналд Трамп планира на 19…

Рубио и експертите тврдат: Технолошките прекини што…

САД не се под системски напад, изјави…

Предложен притвор за вработениот во ДЗС фатен…

Основното јавно обвинителство Скопје донесе Наредба за…