Не е крај: Ѓоковиќ има уште една шанса, неговите адвокати поднесоа жалба на одлуката

По неколку часовно испрашување австалиските власти донесоа одлука да не му одобрат влез во земјата на светскиот рекет бр.1 Новак Ѓоковиќ, поради, како што беше објавено, несоодветна документација. За влез во земјата задолжително е примена вакцина против ковид-19, која Ѓоковиќ не ја прими, но имаше образложение од два независни медицински тимови дека поради неговата здравствена состојба не смее да се вакцинира.

„Му беше кажано да ја напушти земјата во текот на денот. Но, неговите адвокати се во процес на поднесување жалба. Не покажа на царина доволно докази за медицинско ослободување“, изјави Пол Сакал, новинар на австралискиот портал “The Age”.

Новак Ѓоковиќ осум часа беше задржан на аеродромот во Мелбурн, а на крајот не му беше дозволено да остане во Австралија и да се обиде да се бори за 21. Грен слем трофеј.

Share on Facebook

Tweet

Follow us

Save