Не застанале на знак од полицијата и исфрлиле марихуана – уапсени четири лица од Кавадарци

Уапсени четворица кавадарчани кои избегале на сообраќајната полиција, а притоа исфрлиле дрога од возилото со кое патувале.

На 04.10.2023 во 20.45 часот на влез во Кавадарци, полициски службеници од Полициската станица Кавадарци ги лишиле од слобода Д.А.(36), М.А.(33), А.Ј.(33) и Д.Б.(25), сите од Кавадарци. На патот од с.Марена кон Кавадарци, полициски службеници дале знак за запирање на возило „опел астра“ без регистарки ознаки, кое го управувал Д.А., а останатите лица биле сопатници. Возилото не застанало и во движење од возилото била исфрлена марихуана, која била пронајдена и одземена. Набргу, на влезот од Кавадарци, возилото било запрено, а лицата биле лишени од слобода, соопшти полицијата.

По целосно документирање на случајот ќе следува соодветен поднесок.

Share on Facebook

Tweet

Follow us

Save