Не очекува екстремно жешка седмица, температурите ќе достигнат и до 40 степени

Пред нас е период на претежно облачно, но исклучително спарно и топло време. Според најновите метеоролошки податоци за следните седум дена, температурите во поголемиот дел од седмицата ќе се задржат длабоко над триесеттиот степен, со пик на жештините во текот на претстојниот викенд.

Благо ладење и поизразено освежување се очекува дури кон средината на следната недела.

Топлотен бран и температури близу 40°C

Вториот дел од работната недела носи дополнителен пораст на температурите. Веќе од четврток и петок максималните вредности ќе достигнат 37°C, додека сабота се очекува да биде најтоплиот ден од овој бран со максимални 39 до 40°C.

Дури и ноќите ќе бидат тропски и тешки за спиење, со минимални температури кои нема да се спуштат под 19°C односно 21°C.

Сончеви периоди за викендот и нагло освежување во вторник

За време на викендот (недела) и во понеделник, облачноста делумно ќе се намали, па ќе имаме повеќе директни сончеви периоди, додека температурите ќе останат многу високи и ќе изнесуваат околу 38°C.

пресврт на времето и сериозен пад на температурите се очекува во вторник (21 јули), кога максималната дневна температура нагло ќе се спушти на пријатни 32°C, што е дури за 7 степени помалку во споредба со претходните денови.

Апел до граѓаните: Поради високите температури и спарното време кои ќе доминираат во следните денови, се препорачува заштита од УВ-зрачењето, консумација на повеќе течности и избегнување на директен престој на сонце во најтоплиот дел од денот (од 11:00 до 17:00 часот).

Share on Facebook

Tweet

Follow us

Save