Не смее да помине овој акт на самонегација и негација, на самопонижување и понижување, ред вето, ред лага

t

Имало само една фуснота дека македонскиот јазик е дијалект на бугарскиот. Па колку пати треба да повторат за да биде уверливо дека според Бугарија, а сега и според ЕУ, македонскиот јазик не е природојазичен систем, туку дијалект на друг јазик, бугарскиот јазик, прашува академик Катица Ќулавкова.

Од 2017 го пишуваат истото во сите официјални документи, но вие се правите дека не е напишано, не читате, не реплицирате, не осудувате, не се повикувате на наука, не се повикувате на меѓународни конвенции. Штама.

 

Тврдат дека цела македонска средновековна историја е бугарска, пак ги затворате очите, ушите и устата. Тврдат дека сме вештачка творба, вие пак се правите недугави.

 

Последиците ќе бидат огромни, спротивни на поимот цивилизација, придобивките никакви, вие го уверувате народот и светот дека предлогот е одличен, подобар не може да биде! Има ли крај агонијава?

 

Не смее да помине овој акт на самонегација и негација, на самопонижување и понижување. Ред вето, ред лага, ред вето, ред лага и така до бескрај, етноцидна, културоцидна стратегија против македонскиот народ! – реагира академик Ќулавкова.

ПОВРЗАНИ ВЕСТИ

(Фото) Катица Јанева ни честиташе Нова Година…

Поранешната специјална јавна обвинителка Катица Јанева празниците…

Колумна на Ќулавкова: Северна Македонија е парабола…

Уставот на секоја држава е по правило…