INFOMAX.MK

Ненад К., совозачот кој ја преживеа експлозијата при сударот на автомобилот „пунто“ кој возеше во обратна насока на автопатот Обреновац-Белград во болница демантирал и негирал дека несреќата се случила затоа што возачот, Дејан Ј., снимал видео за тик-ток, пишува српски Блиц.

Ненад раскажал дека причината за сударот била тоа што тој и Дејан брзјќи за на свадба во местото Ивањица го пропуштиле излезот на автопатот, па пробале да се исклучат што побрзо возејќи во спротивна насока. Исто така, тој вели дека пиеле пиво.

Тој негираше дека го снимале возењето во спротивна насока.

„Пунтото“ удри во „хјундаи“ и го загрози животот на Драгослава П. која била пренесена во болница. Дејан изгорел жив во „пунтото“, додека Ненад, според сознанијата на Блиц, излегол преку возачкото седиште кога пламнал огнот.

Два дена пред несреќата возачот Дејан на Фејсбук објавил оглас за продажба на својот автомобил „фиат пунто“.

„Пунто, плин, атестирано, 700 евра“, се наведува во објавата.