INFOMAX.MK

Администрацијата на американскиот претседател Џо Бајден објави дека инвестира 2,2 милијарди долари за обнова на федералната електрична мрежа со цел да ја заштити од зголемените закани од екстремни временски настани.

Американската влада работи на модернизирање на системот за пренос на електрична енергија во земјата, кој е под притисок од екстремните временски услови, како и од зголемениот број на центри за податоци кои се жедни за енергија, пишува Ројтерс.

Надградбите на мрежата ќе додадат речиси 13 гигавати (GW) капацитет, а исто така ќе овозможат зголемено производство, повеќе центри за податоци и подобрен пренос на обновлива енергија, соопшти американското Министерство за енергетика. Финансирањето ќе поддржи осум проекти во 18 држави.

Во првата половина на 2024 година беа срушени рекордите за најжешките денови во историјата на Земјата, а бидејќи екстремните временски услови продолжуваат да влијаат на секој дел од земјата, мораме итно да дејствуваме за да ја зајакнеме нашата старечка мрежа“, изјави американската министерка за енергетика Џенифер Гранхолм.