Николовски: ИПАРД програмата официјално стопирана во Македонија

Поранешниот министер за земјоделство, Љупчо Николовски, објави дека Европската комисија го потврдила прекинувањето на исплатата за ИПАРД програмата за Македонија, на неопределено време.
Во прилог на тоа, актуелниот пратеник и опозиционер од СДСМ приложи и линк кој води до информацијата.
„Помина повеќе од еден месец откако понудив помош, конкретни идеи и решенија за да се избегне ова сценарио. Не слушаа, не работеа и еве ја цената.
Наместо работа добивме криење, лаги и дефокус. И ете ја последицата најважната европска програма за развој на земјоделството е стопирана, а земјоделците и фирмите што со месеци чекаат инвестиции остануваат со празни раце и со единствена надеж дека ќе дојдат подобри времиња, затоа што од оваа власт очигледно нема на што да се надеваат“, објави Николоски.
ИПАРД програмата со која се доделуваа грантови за земјоделството и руралниот развој е стопирана по апсењето на директорот на Платежната земјоделска агенција.

Share on Facebook

Tweet

Follow us

Save