„Никој не ме повика, самиот спречив конфликти и граѓанска војна“, тврди Вучиќ

t

Поранешниот претседател на Србија Александар Вучиќ, ги отфрли обвинувањата дека ги повлекол своите сили од Пионерскиот парк под притисок на Европската Унија. Тој повторува дека никој не го повикал по затворањето на гласачките места и истакнува дека самиот спречил конфликти, пренесува Нова.

Обвинувањата дека сакал да предизвика нешто во изборната ноќ и дека бил спречен во тоа од ЕУ, Вучиќ ги оцени како „најбрутална лага“ .

ADVERTISING

Поранешната амбасадорка на Белгија во Србија, Дениз де Хауер, во интервју за телевизијата Инсајдер изјави дека Вучиќ ги повлекол безбедносните сили од Пионерскиот парк во изборната ноќ благодарение на Европската Унија, која извршила притисок врз него да не започне нешто што може да заврши со граѓанска војна.

Таа истакна дека ЕУ не е само набљудувач на настаните во Србија пред изборите на 25 октомври и на денот на изборите, кога владата на Вучиќ распореди голем број припадници на безбедносните сили околу претседателството и Републичката изборна комисија, што го зголеми стравот од конфликт.

Денес, Вучиќ го повтори своето претходно тврдење дека никој не го повикал по затворањето на гласачките места, додавајќи дека имал само еден повик за време на денот на изборите и тоа за инцидентот во Лазаревац.

„Никој не ме повикал од 20 часот, никој не ми кажал ни збор“, рече Вучиќ во видео објавено на Инстаграм.

Тој додаде дека командантите во армијата и полицијата биле свесни и за неговите намери да ги признае резултатите од изборите.

„Имам 12 команданти на кои им соопштив дека ќе ги признаам резултатите од изборите. И во армијата и во полицијата, сè им е јасно на сите“, рече Вучиќ.

Тој најави дека ќе презентира повеќе детали за време на конститутивната седница на Народното собрание, која ќе се одржи утре, вторник, 17 ноември. Тој рече дека граѓаните ќе можат да слушнат како тој спречил конфликти и граѓанска војна и ја зачувал стабилноста на Србија.

ПОВРЗАНИ ВЕСТИ

„Никој не ме повика, самиот спречив конфликти…

Поранешниот претседател на Србија Александар Вучиќ, ги…

Жена тешко повредена, сопругот ја претепал во…

ОВР Кочани поднесе кривична пријава против Б.О.(43)…

Семејството на Сара до СДСМ: Откажете го…

Форумот на жени на СДСМ ги повика…

(Видео) Филипче: Власта свесно го запира европскиот…

Претседателот на СДСМ и претседател на Националниот…

Мицкоски: Нема гаранции дека уставните измени се…

Премиерот Христијан Мицкоски на Форумот за проширување…