Нова акција против корупцијата во Србија: Уапсени пет лица

Во продолжение на акцијата против корупцијата, српската полиција уапси пет лица осомничени за перење пари и организиран криминал, соопшти Министерството за внатрешни работи на Србија.

Според соопштението, осомничените се задржани во притвор до 48 часа и со кривична пријава се предадени на надлежното обвинителство.

Во последниве месеци, полицијата низ Србија уапси десетици лица за злоупотреба на службена положба и корупција, а истрагите и акциите продолжуваат.

Паралелно со ова, низ повеќе градови во Србија продолжуваат протестите и блокадите со барања за одговорност за несреќата на Железничката станица во Нови Сад минатата година, кога загинаа 15 лица по уривањето на покривната конструкција.

Освен оставката на премиерот, во тек се повеќе истраги поврзани со реализацијата на инфраструктурни проекти во различни градови во Србија.

Share on Facebook

Tweet

Follow us

Save