Нова провокативна изјава на Медведев: Русија да се осигура дека и Украина и НАТО ќе исчезнат

Русија треба да направи се за да се осигура дека патот на Киев кон НАТО ќе заврши или со исчезнување на Украина или со исчезнување на Алијансата, изјави заменик-претседателот на Советот за безбедност на Русија Дмитриј Медведев.
На Телеграм, тој ја цитираше декларацијата на НАТО од Вашингтон во која членките на Алијансата ветуваат дека ќе ја поддржат Украина „на неповратниот пат кон целосна евроатланска интеграција, вклучително и членство во НАТО“.
„Заклучокот е очигледен. Мораме да направиме се „неповратниот пат на Украина“ кон НАТО да заврши или со исчезнувањето на Украина или со исчезнувањето на НАТО. И најдоброто од двете“, заклучи Медведев.

Во Вашингтон се одржа самит на НАТО по повод 75-годишнината од основањето на Алијансата. Во завршната декларација се наведува дека Русија останува најголема закана за НАТО, а документот содржи клаузула за „иднината на Украина во НАТО“ и најавува поинтегриран статус на оваа земја во Алијансата.

Share on Facebook

Tweet

Follow us

Save