Нова рунда преговори на високо ниво меѓу Белград и Приштина на 14 септември!

Високиот претставник на ЕУ за надворешни работи и безбедност Жосеп Борел денеска изјави дека на 14 септември во Брисел ќе се одржи нова рунда од дијалогот на високо ниво меѓу Белград и Приштина.

На прес-конференцијата по неформалниот состанок на министрите за надворешни работи на ЕУ во Толедо, тој рече дека средбата ќе биде уште еден обид за разрешување на ситуацијата.
Борел рече и дека една од темите на денешниот состанок е проширувањето на Европската унија, како и дека шпанското претседателство со ЕУ предложило следниот месец да се одржи министерски состанок за земјите од Западен Балкан и оти министрите се согласиле дека тоа треба да се случи.
Според неговите зборови, на средбата се разговарало за бројни теми, а главни се состојбите во Украина и Нигер.

Share on Facebook

Tweet

Follow us

Save